போடி அருகே வீட்டுக்குள் புகுந்த பாம்பு

போடி அருகே உள்ள சில்லமரத்துப்பட்டி ரைஸ்மில் தெருவை சேர்ந்தவர் மனோகரன். கூலித்தொழிலாளி. இவரது வீட்டுக்குள் நேற்று காலை பாம்பு ஒன்று புகுந்தது. இதனை பார்த்த அவரும், குடும்பத்தினரும் அலறியடித்தபடி வெளியே ஓடினர். பின்னர் இதுகுறித்து போடி தீயணைப்பு நிலையத்துக்கு மனோகரன் தகவல் தெரிவித்தார்.

அதன்பேரில் சம்பவ இடத்திற்கு விரைந்து வந்த தீயணைப்பு நிலைய அலுவலர் சக்திவேல் தலைமையிலான தீயணைப்பு படைவீரர்கள் வீட்டுக்குள் புகுந்த 6 அடி நீள சாரை பாம்பை லாவகமாக பிடித்தனர். பின்னர் அந்த பாம்பு வனப்பகுதியில் கொண்டுபோய் விடப்பட்டது.