பெண்ணிடம் 3 பவுன் நகை பறிப்பு

எலச்சிபாளையம்:

திருச்செங்கோடு அருகே உள்ள சித்தாளந்தூர் பகுதியை சேர்ந்தவர் சுதா. சம்பவத்தன்று இரவு சுதா வீட்டில் தனது தாயுடன் தூங்கி கொண்டிருந்தார். அப்போது வீட்டுக்குள் புகுந்த மர்ம நபர்கள் சுதா அணிந்திருந்த 3 பவுன் நகையை பறித்து விட்டு அங்கிருந்து தப்பி சென்றனர். இதேபோல் சித்தாளந்தூர் குறிஞ்சியாகாடு பகுதியை சேர்ந்த செங்கோட்டுவேல் என்பவரது பண்ணை வீட்டில் நிறுத்தி இருந்த 2 மோட்டார் சைக்கிள்களை மர்ம நபர்கள் திருடி சென்றனர். இந்த சம்பவங்கள் குறித்து திருச்செங்கோடு ஊரக போலீசார் வழக்குப்பதிவு செய்து விசாரணை நடத்தி வருகிறார்கள்.