மண்மாதிரி சேகரிப்பு முகாம்

திருமருகல் வட்டாரம் கீழத்தஞ்சாவூர் மற்றும் திருச்செங்காட்டங்குடி கிராமத்தில் நடமாடும் மண் பரிசோதனை நிலையத்தின் மூலம் மண்மாதிரி சேகரிப்பு மற்றும் பாசன நீர் விழிப்புணர்வு முகாம் நடைபெற்றது. முகாமிற்கு திருமருகல் வட்டார வேளாண்மை உதவி இயக்குனர் (பொறுப்பு) கலைச்செல்வன் தலைமை தாங்கினார். ஊராட்சி மன்ற தலைவர்கள் வள்ளி கலியமூர்த்தி, தமிழரசி கணேசன் ஆகியோர் முன்னிலை வகித்தனர். மண் மற்றும் பாசன நீர் ஆய்வு முக்கியத்துவம் பற்றி நடமாடும் மண் பரிசோதனை நிலைய வேளாண் அலுவலர் சுதா விவசாயிகளுக்கு எடுத்து கூறினார். மண் மற்றும் பாசன நீர் மாதிரிகள் எடுக்கும் முறையை பற்றி துணை வேளாண்மை அலுவலர் தெய்வக்குமார் பேசினார். முகாமில் கீழத்தஞ்சாவூர், திருச்செங்காட்டங்குடி கிராமங்களில் கோடையில் சேகரிக்கப்பட்ட மண் மாதிரிகள் மற்றும் பாசன நீர் சேகரிக்கப்பட்டு ஆய்விற்கு எடுத்து செல்லப்பட்டது. முகாமிற்கான ஏற்பாடுகளை உதவி வேளாண்மை அலுவலர் பழனிவேல் செய்திருந்தார்.