சப்-இன்ஸ்பெக்டர் தேர்வில் ஆட்டோ டிரைவரின் மகன் சாதனை

தமிழ்நாடு காவல் துறையில் சப்-இன்ஸ்பெக்டர்களுக்கான தேர்வு கடந்த 2022-ம் ஆண்டு நடைபெற்றது. இதில் முதல் 10 இடங்களில் தேர்ச்சி பெற்றவர்கள் சென்னைக்கு அழைக்கப்பட்டு பணி நியமன ஆணைகள் வழங்கப்பட்டது. அதில் தென்காசி மாவட்டம் ஆலங்குளத்தை சேர்ந்த சினேகாந்த் என்பவருக்கு பணி நியமன ஆணையை டி.ஜி.பி. சைலேந்திர பாபு வழங்கினார். சினேகாந்த் மாநில அளவில் 2-வது இடமும், தென்மண்டலம் மற்றும் தென்காசி மாவட்ட அளவில் முதலிடமும் பிடித்துள்ளார்.

இந்த நிலையில் தென்காசி மாவட்டத்திலிருந்து சப்- இன்ஸ்பெக்டர்களாக தேர்வு செய்யப்பட்ட மற்றவர்களுக்கு பணி நியமன ஆணைகளை தென்காசி போலீஸ் சூப்பிரண்டு சாம்சன் நேற்று முன்தினம் வழங்கினார். அப்போது டி.ஜி.பி.யிடம் நேரடியாக பணி நியமன ஆணை பெற்ற சினேகாந்த்துக்கு வாழ்த்துகளை தெரிவித்தார். சினேகாந்தின் பெற்றோர் ரவிதாசன்-மகேஸ்வரி. இதில் ரவிதாசன் ஆட்டோ டிரைவராக உள்ளார். இவருடைய தம்பி பிரவிந்த் பொறியாளராக உள்ளார்.