மின் இணைப்புடன் ஆதார் எண்ணை இணைக்கும் சிறப்பு முகாம்

மங்களமேடு:

பெரம்பலூர் மாவட்டம், குன்னம் வட்டம் மங்களமேட்டை அடுத்த லெப்பைக்குடிகாடு உட்கோட்டத்திற்கு சம்பந்தப்பட்ட பகுதிகளில் மின் இணைப்பு எண்ணுடன் ஆதார் எண்ணை இணைக்க சிறப்பு முகாம் நடைபெற உள்ளது. இதில் வருகிற 6-ந் தேதி திருமாந்துறை, முருகன்குடி, பசும்பலூர், 7-ந் தேதி லெப்பைக்குடிகாடு, பெருமத்தூர், வாண்டகப்பாடி, 11-ந் தேதி அத்தியூர், தேவையூர், பிம்பலூர் ஆகிய ஊர்களில் உள்ள ஊராட்சி அலுவலகங்களில் முகாம்கள் நடைபெற உள்ளது. எனவே பொதுமக்கள் இந்த முகாமில் கலந்து கொண்டு தங்களுடைய ஆதார் எண்ணை, மின் இணைப்பு எண்ணுடன் இணைத்து பயன்பெறுமாறு உதவி செயற்பொறியாளர் தெரிவித்துள்ளார்.