நிலப்பிரச்சினையை தீர்க்க சிறப்பு முகாம்

பெரம்பலூர் மாவட்ட போலீஸ் சூப்பிரண்டு மணி உத்தரவின் படி, பெரம்பலூர் வட்ட வருவாய் துறையினரிடம், போலீசார் இணைந்து பொதுமக்களின் நிலம் தொடர்பான பிரச்சினைகளை தீர்க்க சிறப்பு மனு விசாரணை முகாம் பெரம்பலூர் தாசில்தார் அலுவலகத்தில் நேற்று நடைபெற்றது. முகாமில் பெரம்பலூர் தாசில்தார் கிருஷ்ணராஜ், மாவட்ட நில மோசடி தடுப்பு சிறப்பு பிரிவு போலீஸ் சப்-இன்ஸ்பெக்டர் முகமது அபுபக்கர், சிறப்பு சப்-இன்ஸ்பெக்டர் குணாவதி மற்றும் போலீசார் கலந்து கொண்டு பொதுமக்களிடம் இருந்து நிலம் தொடர்பான பிரச்சினைகள் அடங்கிய 29 மனுக்களை வாங்கினர். அதில் 21 மனுக்களுக்கு உடனடியாக தீர்வு காணப்பட்டது.