புரட்டாசி மாத பவுர்ணமியையொட்டி மாரியம்மன் கோவிலில் சிறப்பு பூஜை

கோத்தகிரி

புரட்டாசி மாத பவுர்ணமியையொட்டி கோத்தகிரியில் உள்ள அம்மன் கோவில்களில் சிறப்பு பூஜைகள் நடைபெற்றன. இதன் ஒரு பகுதியாக கோத்தகிரி கடைவீதியில் உள்ள மாரியம்மன் கோவிலில் நேற்று காலை அம்மனுக்கு சிறப்பு அபிஷேக, அலங்கார பூஜைகள் நடைபெற்றன. அம்மன் பச்சை நிற சிறப்பு முக அலங்காரத்தில் அருள் பாலித்தார். இந்த பூஜையில் திரளான பக்தர்கள் கலந்துக் கொண்டு அம்மனை வழிபட்டனர். தொடர்ந்து பக்தர்களுக்கு பிரசாதம் வழங்கப்பட்டது. இதே போல கடைவீதி பண்ணாரி மாரியம்மன் கோவில் மற்றும் டானிங்டன் கருமாரியம்மன் கோவில்களிலும் அம்மனுக்கு சிறப்பு பூஜைகள் நடைபெற்றன.