உலக நன்மை வேண்டி சங்கமேஸ்வரர் கோவிலில் சிறப்பு பூஜை

ஆடி கடைசி வெள்ளிக்கிழமையையொட்டி உலக நன்மை வேண்டி நேற்று முன்தினம் பவானி சங்கமேஸ்வரர் கோவிலில் உள்ள வேதநாயகி அம்மனுக்கு கணபதி பூஜையுடன் சிறப்பு வழிபாடு தொடங்கியது. இதையொட்டி அம்மனுக்கு 1,008 தாமரை மலர்களை கொண்டு லலிதா சகஸ்ர யாகம் நடைபெற்றது. இதையடுத்து 1,008 பால்குட அபிஷேகம் நடைபெற்றது. இதில் திரளான பக்தர்கள் கலந்து கொண்டு அம்மனை வழிபட்டனர். இதில் கலந்து கொண்ட பக்தர்களுக்கு அன்னதானம் வழங்கப்பட்டது.