அம்மன் கோவில்களில் சிறப்பு பூஜை

அரியலூர் மாவட்டம் தா.பழூர் சுற்றுவட்டார பகுதிகளில் உள்ள கோவில்களில் தை மாதம் 2-வது வெள்ளிக்கிழமையையொட்டி சிறப்பு பூஜைகள் நடைபெற்றன. தா.பழூர் விசாலாட்சி அம்மன் உடனுறை விஸ்வநாதர் கோவிலில் அம்மனுக்கு சிறப்பு அபிஷேக, ஆராதனை செய்யப்பட்டு வண்ண மலர்களால் அலங்கரிக்கப்பட்டு மகாதீபாராதனை காட்டப்பட்டது. இதில், திரளான பக்தர்கள் கலந்து கொண்டு சாமி தரிசனம் செய்தனர். இதேபோல் இடங்கண்ணி திரவுபதி அம்மன் கோவில், சிந்தாமணி மாரியம்மன் கோவில், காரைக்குறிச்சி காளியம்மன் கோவில், மாரியம்மன் கோவில், தா.பழூர் காளியம்மன் கோவில், மாரியம்மன் கோவில், செல்லியம்மன் கோவில் உள்ளிட்ட பல்வேறு கோவில்களில் சிறப்பு பூஜைகள் நடைபெற்றன. இதில், திரளான பக்தர்கள் கலந்து கொண்டு சாமி தரிசனம் செய்தனர். பின்னர் பக்தர்களுக்கு பிரசாதம் வழங்கப்பட்டது.