சிவன் கோவில்களில் சிறப்பு பூஜை

ஆலங்குளம்,

ஆலங்குளம் அருகே உள்ள சங்கரமூர்த்திபட்டி சங்கரலிங்கசாமி, சிமெண்டு ஆலை காலனியில் உள்ள ஆகாயலிங்கேஸ்வரர், கண்மாய்பட்டி குபேரலிங்கேஸ்வரர், எதிர்கோட்டை துணைகண்ட லிங்கேஸ்வரர் ஆகிய சிவன் கோவில்களில் பிரதோஷத்தை முன்னிட்டு சிறப்பு பூஜை நடைபெற்றது. முன்னதாக நந்திக்கு பால், தயிர், நெய், தேன், இளநீர் உள்பட 18 வகையான பொருட்களால் அபிஷேகம் நடந்தது. பின்னர் சுவாமிக்கும், நந்திக்கும் சிறப்பு அலங்காரம் செய்யப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.