முருகன் கோவில்களில் சிறப்பு பூஜை

தாயில்பட்டி,

வெம்பக்கோட்டை அருகே உள்ள துலுக்கன்குறிச்சியில் மாத கார்த்திகையை முன்னிட்டு வாழைமர பாலசுப்ரமணிய சுவாமி கோவிலில் சிறப்பு வழிபாடு நடைபெற்றது. முன்னதாக சுவாமிக்கு பால், பன்னீர், சந்தனம் உள்பட 16 வகையான பொருட்களால் அபிஷேகம் நடந்தது. பின்னர் குழந்தை வரம் வேண்டியும், உலக நன்மைக்காகவும் சிறப்பு யாகம் நடைபெற்றது. இதில் திரளான பக்தர்கள் கலந்து கொண்டு தரிசனம் செய்தனர். அதேபோல விஜயகரிசல்குளம் வழி விடு பாலமுருகன் கோவிலிலும் மாத கார்த்திகையை முன்னிட்டு சிறப்பு பூஜை நடந்தது.