பைரவருக்கு சிறப்பு பூஜை

தொண்டி

திருவாடானை சினேகவல்லி சமேத ரெத்தினேஸ்வரர் கோவிலில் தேய்பிறை அஷ்டமியையொட்டி சம்கார பைரவருக்கு 16 வகையான திரவியங்களால் சிறப்பு அபிஷேகம், தீபாராதனை நடைபெற்றது. அதனைத் தொடர்ந்து சம்ஹார பைரவர் வெள்ளி கவச அலங்காரத்தில் பக்தர்களுக்கு அருள்பாலித்தார். இதில் ஏராளமான பொதுமக்கள் கலந்து கொண்டு சாமி தரிசனம் செய்தனர். பூஜைகளை ஆலய குருக்கள் ரவி சிவாச்சாரியார் தலைமையில் சிவாச்சாரியார்கள் நடத்தினர். இதற்கான ஏற்பாடுகளை சம்கார பைரவர் குழுவினர் செய்திருந்தனர்.