சிக்கல் சிங்காரவேலவர் கோவிலில் சிறப்பு வழிபாடு

சிக்கல்:

நாகை அருகே சிக்கல் சிங்காரவேலவர் கோவிலில் நேற்று தை மாத கார்த்திகையையொட்டி சிறப்பு வழிபாடு நடந்தது. முன்னதாக சிங்காரவேலவருக்கு, பால், தயிர், சந்தனம், விபூதி, பஞ்சாமிர்தம், பன்னீர், திரவிய பொருட்களை கொண்டு கார்த்திகை மண்டபத்தில் சிறப்பு அபிஷேக, ஆராதனை செய்யப்பட்டு, மலர்களால் அலங்கரித்து மகா தீபாராதனை காண்பிக்கப்பட்டது. சிங்காரவேலவர் சிறப்பு மலர் அலங்காரத்தில் வள்ளி, தெய்வானையுடன் பக்தர்களுக்கு அருள் பாலித்தார். இதில் திரளான பக்தர்கள் கலந்து கொண்டு சாமி தரிசனம் செய்தனர்.