முருகன் கோவில்களில் சிறப்பு வழிபாடு

சிக்கல்:

ஆனி மாத கார்த்திகையையொட்டி முருகன் கோவில்களில் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

சிறப்பு வழிபாடு

நாகை அருகே சிக்கல் சிங்காரவேலர் கோவிலில் ஆனி மாத கார்த்திகையையொட்டி முருகன் கோவிலில் சிறப்பு வழிபாடு நடந்தது. முன்னதாக சிங்காரவேலருக்கு பால், தயிர், சந்தனம், விபூதி, பஞ்சாமிர்தம், பன்னீர் உள்ளிட்டவைகளால் அபிஷேகம் செய்யப்பட்டு மலர்களால் அலங்கரித்து தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

வேதாரண்யம் வேதாரண்யேஸ்வரர் கோவில் உள்ள ஆறுமுகக் கடவுளுக்கும், வெளிபிரகாரத்தில் உள்ள மேலக்குமரருக்கும் அபிஷேக, ஆராதனை செய்யப்பட்டு மலர்களால் அலங்கரித்து தீபாராதனை காண்பிக்கப்பட்டது.

அமிர்தகடேஸ்வரர் கோவில்

இதேபோல கோடியக்காடு அமிர்தகடேஸ்வரர் கோவிலில் அமிர்தகர சுப்பிரமணிய சுவாமிக்கும், தோப்புத்துறை கைலாசநாதர் கோவிலில் முருகனுக்கும், ஆறுகாட்டுத்துறை கற்பகவிநாயகர் கோவிலில் முருகனுக்கும், வேதாரண்யம் நாட்டுமடம் மாரியம்மன் கோவிலில் சுப்பிரமணியருக்கும் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

---