காலபைரவருக்கு சிறப்பு யாகம்

வேதாரண்யம்:

வேதாரண்யத்தை அடுத்த மறைஞாயநல்லூர் மேலமறைகாடர் கோவிலில் உள்ள கால பைரவருக்கு தேய்பிறை அஷ்டமியையொட்டி சிறப்பு யாகம் நடந்தது. இதை முன்னிட்டு ஆனந்த் சிவாசாரியார் தலைமையில் யாக பூஜை செய்யப்பட்டு கடம் புறப்பாடாகி கோவிலை சுற்றி வலம் வந்து பைரவருக்கு பால், பன்னீர்,இளநீர், சந்தனம், நெய், தேன் உள்ளிட்ட 16 வகையான திரவியங்களால் சிறப்பு அபிஷேகம் செய்யப்பட்டு மலர்களால் அலங்கரித்து மகா தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதற்கான ஏற்பாடுகளை கோவில் நிர்வாகத்தினர் செய்திருந்தனர்.