புனித அந்தோணியார் ஆலய திருவிழா கொடியேற்றம்

ஆலங்குடி:

ஆலங்குடி அருகே கே.ராசியமங்கலத்தில் புனித அந்தோணியார் ஆலயம் உள்ளது. இந்த ஆலயத்தின் திருவிழாவையொட்டி கொடியேற்று விழா இன்று மாலை நடைபெற்றது. இதனைதொடர்ந்து கொடியேற்பு கூட்டுப்பாடல் திருப்பலி நடைபெற்றது. நாளை (ஞாயிற்றுக்கிழமை) மாலை முதல் வருகிற 30-ந் தேதி வரை நவநாள் திருப்பலியும், தேர் பவனியும் நடைபெற உள்ளது. தொடர்ந்து அக்டோபர் 1-ந்தேதி இரவு 7 மணிக்கு அருட்தந்தையர்களால் திருவிழா கூட்டு பாடல் திருப்பலியும், அதனை தொடர்ந்து புனித அந்தோணியாரின் ஆடம்பர அலங்கார தேர்பவனியும் நடைபெற உள்ளது. 2-ந்தேதி புனித அந்தோணியாரின் கொடி இறக்கமும் நடைபெற உள்ளது. இதில் திரளான கிறிஸ்தவர்கள் மற்றும் பங்கு அருட் பணியாளர்கள், ஊர் பொதுமக்கள் கலந்து கொண்டனர்.