மாநில அளவிலான தொழில்சார் போட்டிகள் நிறைவு விழா

தமிழ்நாடு ஊர்க்காவல் படையினருக்கான மாநில அளவிலான தொழில்சார் போட்டிகள் நிறைவு விழா நடந்தது. இதில் ஊர்க்காவல் படை டி.ஜி.பி. பி.கே.ரவி பரிசுகள் வழங்கினார்.

தொழில்சார் போட்டிகள்

தமிழ்நாடு ஊர்க்காவல் படையினருக்கான 28-வது மாநில அளவிலான தொழில் சார் போட்டிகள் திருவண்ணாமலை மாவட்ட விளையாட்டு அரங்கில் கடந்த 19-ந் தேதி தொடங்கி இன்று வரை என 3 நாட்கள் நடைபெற்றது.

இதில் வேலூர், சேலம், மதுரை, திருச்சி, தஞ்சாவூர், திண்டுக்கல், காஞ்சீபுரம் உள்ளிட்ட 12 சரகத்தில் இருந்து சுமார் 1,780 ஊர்க்காவல் படையினர் கலந்துகொண்டனர்.

கபடி, வாலிபால், 100 மீட்டர், 200 மீட்டர் ஓட்டப்பந்தயம், குண்டு எறிதல் உள்ளிட்ட போட்டிகள் நடைபெற்றது. மேலும் கவாத்து பயிற்சி, முதலுதவி பயிற்சி, உடற்பயிற்சி தொடர்பான போட்டிகளும் நடத்தது.

பரிசளிப்பு விழா

இந்த நிலையில் இன்று மாலை மாநில அளவிலான தொழில்சார் போட்டிகள் நிறைவு விழா மற்றும் பரிசளிப்பு விழா மாவட்ட விளையாட்டு அரங்கில் நடைபெற்றது.

நிகழ்ச்சிக்கு வேலூர் சரக டி.ஐ.ஜி. முத்துசாமி, திருவண்ணாமலை மாவட்ட போலீஸ் சூப்பிரண்டு கார்த்திகேயன் ஆகியோர் முன்னிலை வகித்தனர். ஊர்க்காவல் படை ஏரியா கமாண்டர் சங்கர் வரவேற்றார்.

நிகழ்ச்சியில் ஊர்க்காவல் படை டி.ஜி.பி. பி.கே.ரவி தலைமை தாங்கி போட்டிகளில் வெற்றி பெற்றவர்களுக்கு பரிசுகள் வழங்கி பேசினார்.

மேலும் கவாத்து பயிற்சி, முதலுதவி பயிற்சி, உடற்பயிற்சி தொடர்பான போட்டிகளிலும் வெற்றி பெற்றவர்களுக்கு பரிசுகள் வழங்கப்பட்டது.

நிகழ்ச்சியில் துணை போலீஸ் சூப்பிரண்டுகள் மணிமாறன், குணசேகரன், ஆயுதப்படை போலீஸ் சப்-இன்ஸ்பெக்டர் ரமேஷ் மற்றும் போலீஸ் அதிகாரிகள், ஊர்க்காவல் படை பொறுப்பாளர்கள் உள்பட பலர் கலந்து கொண்டனர்.