ஆற்று மணல் திருடியவாலிபர் கைது

ஸ்ரீவைகுண்டம்:

செய்துங்கநல்லூர் போலீஸ் சப்-இன்ஸ்பெக்டர் பெபின் செல்வ பிரிட்டோ மற்றும் போலீசார் ரோந்து பணியில் ஈடுபட்டிருந்தனர். அப்போது, செய்துங்கநல்லூர் அருகே புளியங்குளம் பகுதியில் உள்ள தொல்லியல்துறை அலுவலகம் அருகே புளியங்குளம் ராமசாமி கோவில் தெருவை சேர்ந்த லட்சுமணபெருமாள் மகன் சுப்புராஜ் (வயது 23) என்பவர் மொபட்டில் ஆற்று மணலை திருடி ஏற்றி வந்தது தெரியவந்தது. உடனே போலீசார் சுப்புராஜை கைது செய்து, அவரிடமிருந்த 4 மூட்டை ஆற்று மணல் மற்றும் திருடுவதற்கு பயன்படுத்திய மொபட்டை பறிமுதல் செய்தனர். மேலும் இதுகுறித்து செய்துங்கநல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.