உலா வரும் மயில்கள்

கொடைக்கானல் பகுதியில் கடந்த சில ஆண்டுகளுக்கு முன் மயில்களை பார்ப்பது அபூர்வமாக இருந்தது. ஆனால் தற்போது மலைப்பகுதியில் உள்ள விவசாய நிலங்களில் கூட்டம், கூட்டமாக மயில்கள் முகாமிட்டு பயிர்களை சேதப்படுத்தி வருகிறது. இதனால் விவசாயிகள் பாதிக்கப்பட்டு வருகின்றனர். இந்நிலையில் பேத்துப்பாறை கிராமத்தில் குடியிருப்பு பகுதிகளில் மயில்கள் சர்வ சாதாரணமாக உலா வருகின்றன. மயில்களை பொதுமக்களும், சுற்றுலா பயணிகளும் பார்த்து ரசித்து புகைப்படம் எடுத்து வருகின்றனர்.