தென்னாங்கூர் அரசு கல்லூரியில் மாணவர் சேர்க்கை உதவி மையம்

திருவண்ணாமலை மாவட்டம் வந்தவாசியை அடுத்த தென்னாங்கூரில் உள்ள அரசு கலை மற்றும் அறிவியல் கல்லூரி செயல்பட்டு வருகின்றது. இந்த கல்லூரியில் சேர விரும்பும் மாணவ-மாணவிகள் இணை வழியில் விண்ணப்பிக்க மாணவர் சேர்க்கை உதவி மையம் கல்லூரியில் இன்று (திங்கட்கிழமை) முதல் 19-ந்தேதி (வெள்ளிக்கிழமை) வரை காலை 10 மணி முதல் மாலை 5 மணி வரை செயல்பட உள்ளது.

மேலும் கல்லூரியில் சிறப்பு ஒதுக்கீட்டு மாணவர்களுக்கான கலந்தாய்வு வருகிற 25-ந்தேதி முதல் 29-ந்தேதி வரையும், முதல் கட்ட பொதுக் கலந்தாய்வு 30-ந்தேதி முதல் அடுத்த மாதம் (ஜூன்) 9-ந்தேதி வரையும், 2-ம்கட்ட பொதுக் கலந்தாய்வு ஜூன் 12-ந்தேதி முதல் ஜூன் 20-ந்தேதி வரையும் நடைபெற உள்ளது. முதலாம் ஆண்டு மாணவர்களுக்கான வகுப்புகள் ஜூன் 22-ந்தேதி தொடங்கும்.

இந்த தகவலை கல்லூரி முதல்வர் கு.வெண்ணிலா தெரிவித்துள்ளார்.