வெவ்வேறு இடங்களில் 3 மாணவிகள் மாயம்

ஓசூர்:

கிருஷ்ணகிரி மாவட்டத்தில் வெவ்வேறு இடங்களில் 3 மாணவிகள் மாயமானார்கள். இதுதொடர்பாக போலீசார் விசாரணை நடத்தி வருகின்றனர்.

கல்லூரி மாணவி

ஓசூர் மூக்கண்டப்பள்ளி பகுதியை சேர்ந்தவர் 19 வயது இளம்பெண் தனியார் கல்லூரியில் இளநிலை முதலாம் ஆண்டு படித்து வருகிறார். நேற்று முன்தினம் வீட்டில் இருந்து வெளியே சென்ற மாணவி திடீரென மாயமானார். இது குறித்து மாணவியின் பெற்றோர் சிப்காட் போலீசில் புகார் செய்தனர்.

அதில் ஓசூர் மூக்கண்டப்பள்ளி தேசிங் நகரை சேர்ந்த பிரபு (வயது 24) என்பவர் தங்களது மகளை கடத்தி சென்று இருக்கலாம் என சந்தேகம் உள்ளதாக கூறியுள்ளனர். அதன் பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.

பள்ளி மாணவிகள்

மத்திகிரி அருகே உள்ள கிராமத்தை சேர்ந்தவர் 16 வயது சிறுமி. அந்த பகுதியில் உள்ள பள்ளி ஒன்றில் பிளஸ்-1 படித்து வந்தார். கடந்த 28-ந் தேதி மாணவி திடீரென மாயமானார். இதுகுறித்து அவரது பெற்றோர் மத்திகிரி போலீசில் புகார் செய்தனர். அதன்பேரில் போலீசார் விசாரணை நடத்தி வருகிறார்கள்.

மத்தூர் அருகே உள்ள கிராமத்தை சேர்ந்தவர் 17 வயது சிறுமி. இவர் அங்குள்ள பள்ளி ஒன்றில் பிளஸ்-2 படித்து வந்தார். இவர் கடந்த 28-ந் தேதி வீட்டில் இருந்தவர் திடீரென மாயமானார். அவரது பெற்றோர் மகளை பல்வேறு இடங்களில் தேடியும் எங்கும் காணவில்லை. இது குறித்து அவரது பெற்றோர் மத்தூர் போலீசில் புகார் செய்தனர். அதன்பேரில் போலீசார் விசாரணை நடத்தி வருகிறார்கள்.