திருக்குறள் முற்றோதலுக்கு மாணவ- மாணவிகள் விண்ணப்பிக்கலாம்

உலகப் பொதுமறையாம் திருக்குறளில் உள்ள கருத்துக்களை மாணவ-மாணவிகள் அறிந்து கொண்டு கல்வி அறிவுடன் நல்லொழுக்கம் மிக்கவர்களாக விளங்க செய்யும் வகையில் 1,330 குறட்பாக்களையும் மனப்பாடம் செய்து ஒப்புவிக்கும் திறன்பெற்ற பள்ளி, கல்லூரி மாணவ-மாணவிகளுக்கு ரூ.10 ஆயிரம் பரிசுத்தொகையும், பாராட்டு சான்றிதழும் ஆண்டுதோறும் தமிழ்நாடு அரசின் தமிழ் வளர்ச்சி துறையால் வழங்கப்பட்டு வருகிறது.

இத்திட்டத்தின்கீழ் 2022-23-ம் ஆண்டிற்கு மாணவ- மாணவிகள் விண்ணப்பிக்கலாம். முற்றோதலில் பங்கேற்கும் மாணவ-மாணவிகள் 1,330 குறட்பாக்களையும் ஒப்புவிக்கும் திறன் பெற்றவர்களாக இருத்தல் வேண்டும். திருக்குறளில் உள்ள இயல் எண், அதிகாரம், குறள் எண், குறளின் பொருள், திருக்குறளின் அடைமொழி, சிறப்புகள், சிறப்பு பெயர்கள், உரை எழுதியோர் போன்றவற்றை அறிந்திருந்தால் கூடுதல் தகுதியாக கொள்ளப்பெறும்.

முற்றோதலில் பங்கேற்கும் மாணவ-மாணவிகள் மாவட்டத்தில் அமைக்கப்பட்டுள்ள திறனறி குழுவின் முன்னிலையில் நேராய்வுக்குட்படுத்தப்பட்டு குறள் பரிசுக்குரியோர் பட்டியல் சென்னை, தமிழ் வளர்ச்சி இயக்குனருக்கு புதுக்கோட்டை மாவட்ட தமிழ் வளர்ச்சி துறை உதவி இயக்குனரால் பரிந்துரைக்கப்படும். ஏற்கனவே இம்முற்றோதலில் பங்கேற்று பரிசு பெற்றவர்கள் மீண்டும் கலந்து கொள்ள இயலாது. திருக்குறள் முற்றோதலுக்கான விண்ணப்பங்களை புதுக்கோட்டை மாவட்ட தமிழ் வளர்ச்சி உதவி இயக்குனர் அலுவலகத்தில் நேரிலோ அல்லது தமிழ் வளர்ச்சி துறையின் https://tamilvalarchithurai.tn.gov.in என்ற இணையதளத்திலோ பதிவிறக்கம் செய்து கொள்ளலாம். கூடுதல் விவரங்களுக்கு 04322-228840 (9952280798) என்ற தொலைபேசி எண்ணில் தொடர்பு கொள்ளலாம். பூர்த்தி செய்யப்பெற்ற விண்ணப்பங்களை மாணவ-மாணவிகள் வருகிற 25-ந் தேதிக்குள் மாவட்ட தமிழ் வளர்ச்சி உதவி இயக்குனர், தமிழ் வளர்ச்சி உதவி இயக்குனர் அலுவலகம், முதல் தளம், மாவட்ட கலெக்டர் அலுவலக வளாகம், புதுக்கோட்டை- 622 005. புதுக்கோட்டை மாவட்டம். (மின்னஞ்சல் முகவரி: pdkttamilthai@gmail.com) என்ற முகவரிக்கு நேரிலோ அல்லது அஞ்சல் வழியாகவோ அனுப்பலாம் என்று மாவட்ட கலெக்டர் கவிதா ராமு தெரிவித்துள்ளார்.