கந்தம்பாளையம் அருகே பள்ளி மாணவி தூக்குப்போட்டு தற்கொலை

கந்தம்பாளையம்:

கந்தம்பாளையம் அருகே உள்ள சீராப்பள்ளி கோடங்கிநாயக்கனூரை சேர்ந்தவர் துரைசாமி. பால் வியாபாரி. இவருக்கு தனுஷ் (17) என்ற மகனும், பிரித்திகா (14) என்ற மகளும் இருந்தனர். பிரித்திகா வசந்தபுரம் அரசு மேல்நிலைப்பள்ளியில் 9-ம் வகுப்பு படித்து வந்தார். இவர் கடந்த 2 ஆண்டுகளாக தீராத நோயால் அவதிப்பட்டு வந்ததாக கூறப்படுகிறது. இதனால் வாழ்க்கையில் விரக்தி அடைந்த பிரித்திகா நேற்று காலை அவரது வீட்டின் அருகே உள்ள கொட்டகையில் தூக்குப்போட்டு தற்கொலை செய்து கொண்டார். இதுகுறித்து நல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.