தீக்குளித்து வாலிபர் தற்கொலை

ஆர்.எஸ்.மங்கலம்,

ஆர்.எஸ்.மங்கலம் பேரூராட்சி ஹைதர் வளைவு தெருவை சேர்ந்த ரஹ்மத்துல்லாஹ் மகன் முகமது பிலால் (வயது 34). இவர் மனநிலை சரியில்லாமல் மாத்திரை சாப்பிட்டு வந்ததாக கூறப்படுகிறது. இந்நிலையில் நேற்று வீட்டில் யாரும் இல்லாத நேரத்தில் முகமது பிலால் உடலில் மண்எண்ணெய் ஊற்றி தீ வைத்து தற்கொலை செய்து கொண்டார்.

இதுகுறித்து தகவல் அறிந்த ஆர்.எஸ்.மங்கலம் போலீஸ் இன்ஸ்பெக்டர் பொறுப்பு நவநீதகிருஷ்ணன் மற்றும் போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக அனுப்பி வைத்தனர். இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.