விஷம் குடித்து விவசாயி தற்கொலை

திருமங்கலம்,

திருமங்கலம் அருகே உள்ள பெரிய உலகானி கிராமத்தை சேர்ந்தவர் முத்துராமு (வயது 54). விவசாயி. இவர் வயிற்று வலியால் அவதிப்பட்டு வந்ததாக கூறப்படுகிறது. மேலும், இதற்காக ஆஸ்பத்திரியில் சிகிச்சை பெற்று வந்தார். சம்பவத்தன்று அவருக்கு வயிற்று வலி அதிகரித்துள்ளது. இதனால் வாழ்க்கையில் விரக்தியடைந்த முத்துராமு வீட்டில் யாரும் இல்லாத நேரத்தில் விஷம் குடித்து மயங்கிய நிலையில் கிடந்தார். அவரை அக்கம்பக்கத்தினர் மீட்டு திருமங்கலம் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி அவர் உயிரிழந்தார். இது குறித்து கூடகோவில் போலீசார் வழக்குப்பதிவு செய்து விசாரித்து வருகின்றனர்.