சேலம் சீலநாயக்கன்பட்டியில்கல்லூரி மாணவர் தூக்குப்போட்டு தற்கொலை

அன்னதானப்பட்டி

சேலம் சீலநாயக்கன்பட்டி ராமையன் காடு பகுதியை சேர்ந்தவர் சந்தோஷ்குமார் (வயது 20). இவர் சேலத்தில் உள்ள தனியார் கல்லூரியில் பி.காம். படித்து வந்தார். இந்த நிலையில் தந்தை இறந்துவிட்ட நிலையில் சந்தோஷ்குமார் தனது தாய் மயிலியுடன் வசித்து வந்தார்.

இந்த நிலையில் நேற்று முன்தினம் மதியம் நண்பர்களுடன் கிரிக்கெட் விளையாடி விட்டு வீடு திரும்பினார். பின்னர் தனது அறைக்கு சென்ற மாணவர் அங்குள்ள விட்டத்தில் தூக்குப்போட்டு கொண்டார். இதனால் அதிர்ச்சி அடைந்த குடும்பத்தினர் அவரை மீட்டு சிகிச்சைக்காக சேலம் அரசு மருத்துவமனைக்கு அனுப்பி வைத்தனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இதுகுறித்த புகாரின் பேரில் அன்னதானப்பட்டி போலீசார் வழக்குப்பதிவு செய்து விசாரணை நடத்தி வருகின்றனர். கல்லூரி மாணவர் தூக்குப்போட்டு தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தி உள்ளது.