சேலம் தாதகாப்பட்டியில்தூக்குப்போட்டு நிலத்தரகர் தற்கொலை

அன்னதானப்பட்டி

சேலம் தாதகாப்பட்டியில் நிலத்தரகர் தூக்குப்போட்டு தற்கொலை செய்து கொண்டது தொடர்பாக போலீசார் விசாரணை நடத்தி வருகின்றனர்.

நிலத்தரகர்

சேலம் தாதகாப்பட்டி சண்முக நகர் மின்வாரிய அலுவலக பகுதியைச் சேர்ந்தவர் பாபு (வயது 28). நிலத்தரகர். இவருக்கு நித்யா (26) என்ற மனைவியும், 3 மகன்களும் உள்ளனர். இதனிடையே கணவன்-மனைவிக்கு இடையே அடிக்கடி குடும்ப தகராறு ஏற்பட்டு வந்ததாக கூறப்படுகிறது.

இதனிடையே நேற்று முன்தினம் இரவு பாபு வெளியே சென்று விட்டு வீடு திரும்பினார். அப்போது கணவன்-மனைவிக்கு இடையே மீண்டும் தகராறு ஏற்பட்டது. இதனால் மனமுடைந்த பாபு தனது அறைக்கு சென்று தூக்குப்போட்டு தற்கொலை செய்து கொண்டார்.

போலீசார் விசாரணை

இதுகுறித்து அன்னதானப்பட்டி போலீசாருக்கு தகவல் தெரிவிக்கப்பட்டது. அதன் பேரில் போலீசார் விரைந்து சென்று பாபுவின் உடலை மீட்டு பிரேத பரிசோதனைக்காக சேலம் அரசு மருத்துவமனைக்கு அனுப்பி வைத்தனர். இது குறித்து அன்னதானப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.