நந்தி நாதேஸ்வரர் கோவிலில் ஊஞ்சல் உற்சவம்

நாகையை அடுத்த வடக்குபொய்கை நல்லூரில் உள்ள நந்தி நாதேஸ்வரர் கோவிலில் மாசி மக திருவிழாவையொட்டி ஊஞ்சல் உற்சவம் நடந்தது. அப்போது நந்திநாதேஸ்வரர், சவுந்தர நாயகிஅம்மனுடன் அலங்கரிக்கப்பட்ட ஊஞ்சலில் எழுந்தருளினார். அப்போது சிவாச்சாரியார்கள் பக்தி பாடல்களை பாடினர். இதனையடுத்து, மகாதீபாராதனை காட்டப்பட்டது. முன்னதாக வர்ண விநாயகர் கோவிலில் இருந்து பெண்கள் சீர்வரிசை எடுத்து வந்தனர். இதையடுத்து அம்மனுக்கு சிறப்பு அபிஷேக ஆராதனை நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். விழாவிற்கான ஏற்பாடுகளை நந்தவன காளியம்மன் அறக்கட்டளையினர் செய்திருந்தனர்.