அமாவாசையையொட்டி தேவபாண்டலம் பெரியநாயகி அம்மன் கோவிலில் ஊஞ்சல் உற்சவம்

சங்கராபுரம்,

சங்கராபுரம் அருகே உள்ள தேவபாண்டலம் பெரியநாயகி அம்மன் கோவிலில் ஆனி மாத அமாவாசையையொட்டி ஊஞ்சல் உற்சவம் வெகுவிமரிசையாக நடைபெற்றது. இதையொட்டி அம்மனுக்கு பால், தயிர், இளநீர், பன்னீர், சந்தனம் உள்ளிட்ட 16 வகையான பொருட்களை கொண்டு அபிஷேகமும், சிறப்பு அலங்காரமும் செய்யப்பட்டது. தொடர்ந்து அலங்கரிக்கப்பட்ட அம்மன் ஊஞ்சலில் எழுந்தருளினார். அதன்பிறகு ஊஞ்சல் உற்சவம் நடந்தது.இதில் திரளான பக்தர்கள் கலந்து கொண்டு சாமி தரிசனம் செய்தனர். முன்னதாக செவ்வாடை அணிந்த பக்தர்கள் தீச்சட்டிகளை கைகளில் ஏந்தி கோவிலை மும்முறை வலம் வந்து அம்மனுக்கு நேர்த்திக்கடன் செலுத்தினர்.