தமிழ் இலக்கிய மன்ற விழா

தேனி நாடார் சரசுவதி கல்வியியல் கல்லூரியில் 18-வது ஆண்டு தமிழ் இலக்கிய மன்ற விழா நடந்தது. விழாவுக்கு தேனி மேலப்பேட்டை இந்து நாடார் உறவின்முறை தலைவர் ராஜமோகன் தலைமை தாங்கினார். உபதலைவர் கணேஷ், பொதுச்செயலாளர் ஆனந்தவேல், பொருளாளர் பழனியப்பன் ஆகியோர் முன்னிலை வகித்தனர். கல்லூரி முதல்வர் பியூலா ராஜினி வரவேற்றார். தன்னம்பிக்கை பேச்சாளர் விஷ்ணுபிரியா அரிஸ்டோ, கல்லூரியின் முன்னாள் மாணவியும், சின்னமனூர் கிரசண்ட் நர்சரி மற்றும் தொடக்கப்பள்ளி முதல்வருமான அனுரூபா என்ற ஆஷிபா ஆகியோர் சிறப்பு அழைப்பாளர்களாக கலந்துகொண்டு பேசினர். விழாவில், ேதசிய அளவிலான நீச்சல் போட்டியில் 3 தங்க பதக்கம், 2 வெள்ளிப்பதக்கம் மற்றும் தனிநபர் சாம்பியன் கோப்பை பெற்று சாதனை படைத்த தேனி மேலப்பேட்டை இந்து நாடார் உறவின்முறை வித்யாலயா மெட்ரிக் மேல்நிலைப்பள்ளி மாணவர் ஜெய் ஜஸ்வந்துக்கு உறவின்முறை நிர்வாகிகள் பரிசுகள் வழங்கி பாராட்டினர். மேலும், பல்வேறு போட்டிகளில் வெற்றி பெற்ற மாணவிகளுக்கு பரிசுகள் வழங்கப்பட்டது. இதில், உறவின்முறை ஆட்சிமன்றக்குழு உறுப்பினர் தர்மராஜன், கல்லூரி செயலாளர் குணசேகரன், இணைச்செயலாளர் மணிமாறன் மற்றும் பலர் கலந்துகொண்டனர். முடிவில் பேராசிரியை கவியரசி நன்றி கூறினார்.