டாஸ்மாக் கடைகளை இடமாற்றம் செய்ய வேண்டும்

கம்பம் புதிய பஸ்நிலையத்தில் இருந்து குமுளி, கட்டப்பனை, எர்ணாகுளம், சென்னை, கோவை, திருப்பூர், திருச்சி, திண்டுக்கல், மதுரை உள்ளிட்ட பகுதிகளுக்கு சுமார் 100-க்கும் மேற்பட்ட பஸ்கள் இயக்கப்பட்டு வருகின்றன. இதனால் பஸ்நிலையத்தில் பயணிகள் கூட்டம் எப்போதும் அதிகம் காணப்படும். இவையில்லாமல் கேரள மாநிலம் சபரிமலை செல்லும் பக்தர்கள் கம்பம் வந்து செல்கின்றனர். இந்த பஸ்நிலையம் அருகே 2 டாஸ்மாக் கடைகள் செயல்பட்டு வருகின்றன. அந்த கடைகளில் பார் வசதி இல்லாததால் மதுபானங்களை வாங்கி பஸ்நிலையம் செல்லும் சாலையில் நின்று திறந்தவெளியில் அருந்துகின்றனர். இதனால் அந்த வழியாக பஸ்நிலையத்துக்கு பெண்கள், குழந்தைகள் நடந்து செல்ல அச்சப்படுகின்றனர். எனவே பஸ்நிலையம் பகுதியில் உள்ள 2 டாஸ்மாக் கடைகளை இடமாற்றம் செய்ய வேண்டும் என்று அப்பகுதி பொதுமக்கள் கோரிக்கை விடுத்துள்ளனர்.