கோவில் குளத்தில் குதித்து இளம்பெண் தற்கொலை

கீரனூர் சிவன் கோவில் அருகே உள்ள கோவில் குளத்தில் நேற்று பெண் சடலம் ஒன்று மிதப்பதாக கீரனூர் போலீசாருக்கும், தீயணைப்பு நிலையத்திற்கும் தகவல் கிடைத்தது. தகவலின் பேரில், போலீசார் மற்றும் தீயணைப்பு வீரர்கள் விரைந்து வந்து குளத்தில் இறங்கி பெண் உடலை மீட்டு வெளியே கொண்டு வந்தனர். மேலும் இதுகுறித்து போலீசார் விசாரணை நடத்தினர். விசாரணையில், குளத்தில் இறந்து கிடந்தது கீரனூர் ஆசாரி தெருவை சேர்ந்த அன்பரசன் (வயது 30) என்பவரின் மனைவி நந்தினி (23) என்பது தெரியவந்தது. இதையடுத்து ேபாலீசார் அவரது உறவினர்களுக்கு தகவல் தெரிவித்தனர். இதையடுத்து அங்கு வந்த உறவினர்கள் நந்தினியின் உடலை பார்த்து கதறி அழுதனர். இதையடுத்து ேபாலீசார் நந்தினியின் உடலை பிரேத பரிசோதனைக்காக புதுக்கோட்டை அரசு மருத்துவமனைக்கு அனுப்பி வைத்தனர். போலீசாரின் முதல் கட்ட விசாரணையில், குடும்ப தகராறு காரணமாக நந்தினி வீட்டின் அருகில் இருந்த கோவில் குளத்தில் குதித்து தற்கொலை செய்து கொண்டது தெரியவந்தது. இதுகுறித்து கீரனூர் போலீசார் வழக்குப்பதிவு செய்து விசாரணை நடத்தி வருகின்றனர்.