கஞ்சா விற்ற வாலிபர் கைது

மதுரை செல்லூர் போலீசார் அவர்கள் எல்லைக்கு உட்பட்ட பகுதியில் ரோந்து சென்றனர். அப்போது தத்தனேரி அருள்தாஸ்புரம் குடிநீர் தொட்டி அருகே ஒருவர் கஞ்சா விற்பதாக போலீசாருக்கு தகவல் வந்தது. உடனே போலீசார் அங்கு விரைந்து சென்று கஞ்சா விற்றவரை பிடித்து விசாரித்தனர். அதில் தத்தனேரி பகுதியை சேர்ந்த பிரபல ரவுடி செல்வகுமார் (வயது 31) என்பது தெரியவந்தது. பின்னர் போலீசார் வழக்குப்பதிவு செய்து அவரை கைது செய்து, அவரிடமிருந்து ஒரு கிலோ 350 கிராம் கஞ்சாவை பறிமுதல் செய்தனர்.