தூத்துக்குடியில்செல்போன் திருடிய வாலிபர் கைது

திருவண்ணாமலை மாவட்டம் கீழவணக்கம்பாடியைச் சேர்ந்தவர் விஜயன். இவருடைய மகன் ராஜேஷ் (வயது 24). இவர் தூத்துக்குடியில் உள்ள தனியார் விடுதியில் வரவேற்பாளராக பணிபுரிந்து வருகிறார். சம்பவத்தன்று ராஜேஷ் தனது அறையில் செல்போனை வைத்து விட்டு தூங்கி விட்டாராம். சிறிது நேரம் கழித்து பார்த்த போது, யாரோ செல்போனை திருடி சென்று இருப்பது தெரியவந்தது.

இது குறித்த புகாரின் பேரில் வடபாகம் போலீசார் வழக்கு பதிவு செய்து விசாரணை நடத்தினர். விசாரணையில், ஓட்டப்பிடாரம் தெற்கு ஆரைக்குளம் பகுதியைச் சேர்ந்த மாடசாமி மகன் பாப்புராஜ் (32) என்பவர் செல்போனை திருடியது தெரியவந்தது. இதைத் தொடர்ந்து போலீசார் பாப்புராஜை கைது செய்தனர். அவரிடம் இருந்து செல்போனையும் பறிமுதல் செய்தனர்.