திருமணமாகாத ஏக்கத்தில் வாலிபர் தற்கொலை

நாகர்கோவில்:

நாகர்கோவில் இடலாக்குடி குளத்தூர் காலனியை சேர்ந்தவர் சுஜித் (வயது31). இவர் பி.காம் படித்து முடித்துவிட்டு கடந்த சில ஆண்டுகளாக வேலை தேடி வந்தார். ஆனாலும் அவருக்கு சரியான வேலை கிடைக்கவில்லை. மேலும், சுஜித்துக்கு திருமணம் ஆகவில்லை. இதனால் சுஜித் மனமுடைந்த நிலையில் காணப்பட்டு வந்தார்.

இந்த நிலையில் சம்பவதன்று அவர், வீட்டில் விஷம் குடித்து மயங்கிய நிலையில் கிடந்தார். இதைகண்ட அதிர்ச்சி அடைந்த உறவினர்கள் அவரை மீட்டு சிகிச்சைக்காக ஆசாரிபள்ளம் அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி சுஜித் நேற்று பரிதாபமாக இறந்தார்.

இதுகுறித்து கோட்டார் போலீசார் வழக்குப்பதிவு செய்து விசாரணை நடத்தி வருகின்றனர்.