அரசு பஸ் மோதி வாலிபர் சாவு

சேலம் புதிய பஸ்நிலையம் எதிரில் உள்ள ஓமலூர் சாலையில் நேற்று அதிகாலை 3 மணியளவில் பெங்களூருவில் இருந்து அரசு பஸ் வந்தது. அங்குள்ள சாலையை கடக்க முயன்ற வாலிபர் மீது பஸ் எதிர்பாராமல் மோதியது. இதில் படுகாயம் அடைந்த அவர் சம்பவ இடத்திலேயே பரிதாபமாக உயிரிழந்தார். தகவல் அறிந்த பள்ளப்பட்டி போலீசார் சம்பவ இடத்திற்கு விரைந்து சென்று இறந்துபோன வாலிபரின் உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். விபத்தில் இறந்த வாலிபருக்கு 35 வயது இருக்கும். அவர் யார்? எந்த ஊரை சேர்ந்தவர்? என்பது தெரியவில்லை. விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.