வாகனம் மோதி வாலிபர் பலி

க.பரமத்தி அருகே உள்ள பவித்திரம் குறும்பபட்டியை சேர்ந்தவர் மணிவேல். இவரது மகன் லோகேஷ் (வயது 20). இவர் ஒரு பெட்ரோல் விற்பனை நிலையத்தில் ஊழியராக வேலை பார்த்த வந்தார். இந்தநிலையில் சம்பவத்தன்று லோகேஷ் மோட்டார் சைக்கிளில் கரூர் சென்று விட்டு தனது ஊருக்கு கரூர்-கோவை தேசிய நெடுஞ்சாலையில் வந்து கொண்டிருந்தார். க.பரமத்தி அருகே முத்துசோளிபாளையம் என்ற இடத்தில் வந்தபோது கரூரில் இருந்து மேற்கு நோக்கி வந்த அடையாளம் தெரியாத வாகனம் ஒன்று லோகேஷ் ஓட்டி வந்த மோட்டார் சைக்கிள் மீது மோதியது. இதில் மோட்டார் சைக்கிளில் இருந்து தூக்கி வீசப்பட்ட லோகேஷ் சம்பவ இடத்திலேயே பரிதாபமாக இறந்தார்.

இதுகுறித்து தகவல் அறிந்த க.பரமத்தி போலீசார் சம்பவ இடத்திற்கு வந்து லோகேஷ் உடலை கைப்பற்றி ஆம்புலன்ஸ் மூலம் பிரேத பரிசோதனைக்காக கரூர் அரசு மருத்துவக் கல்லூரி மருத்துவமனைக்கு அனுப்பி வைத்தனர். இந்த விபத்து குறித்து க.பரமத்தி போலீசார் வழக்குப்பதிந்து விசாரணை நடத்தி வருகின்றனர்.