பழனி உபகோவில்களில் வருடாபிஷேக விழா

பழனி முருகன் கோவிலின் உபகோவில்களான பாதவிநாயகர் கோவில், மகிஷாசூரமர்த்தினி அம்மன் கோவில், வனதுர்க்கையம்மன் கோவில், கோசலை விநாயகர் கோவில், உத்திர விநாயகர் கோவில், அபரஞ்சி விநாயகர் கோவில் உள்ளிட்ட கோவில்களில் நேற்று வருடாபிஷேக விழா நடைபெற்றது.

இதையொட்டி மேற்கண்ட கோவில்களில் விநாயகர் பூஜை, புண்ணியாக வாஜனம், பூர்ணாகுதி, சிறப்பு யாகம் நடந்தது. தொடர்ந்து கலசபூஜை, கலச அபிஷேகம், சிறப்பு அலங்காரம் செய்து தீபாராதனை காட்டப்பட்டது. இதில் ஏராளமான பக்தர்கள் கலந்துகொண்டு சாமி தரிசனம் செய்தனர். முடிவில் பக்தர்களுக்கு பிரசாதம் வழங்கப்பட்டது.