பட்டப்பகலில் பயங்கரம்; மோட்டார் சைக்கிளில் சென்றவரை வழிமறித்து வெட்டிக்கொன்ற கும்பல்

மதுரை,

மேலூர் அருகே ஆட்டுக்குலம் விலக்கு என்னுமிடத்தில் வந்தபோது அவரை பின் தொடர்ந்து காரில் வந்த மர்ம கும்பல் திடீரென மோட்டார் சைக்கிளை வழிமறித்தது. இதனால் அவர் திகைத்து நின்றார்.

அப்போது காரில் இருந்து இறங்கிய மர்ம ஆசாமிகள், கண் இமைக்கும் நேரத்தில் கண்ணனை ஆயுதங்களால் சரமாரியாக வெட்டியது. இதில் ரத்த வெள்ளத்தில் கீழே விழுந்து அதே இடத்தில் அவர் துடிதுடித்து இறந்தார். பின்னர் கொலையாளிகள் காரில் ஏறி மின்னல் வேகத்தில் தப்பி சென்றுவிட்டனர். இதுகுறித்து தகவல் அறிந்ததும் மேலூர் போலீசார் சம்பவ இடத்துக்கு விரைந்து வந்து கண்ணன் உடலை கைப்பற்றி பிரேத பரிசோதனைக்காக மேலூர் அரசு ஆஸ்பத்திரிக்கு அனுப்பி வைத்தனர்.

மேலும் அங்குள்ள கண்காணிப்பு கேமராக்கள் மற்றும் கார் சென்ற வழிகளில் உள்ள கண்காணிப்பு கேமராக்களில் பதிவான காட்சிகளை போலீசார் ஆய்வு செய்து கொலையாளிகளை பிடிக்க தீவிர நடவடிக்கை எடுத்து வருகின்றனர். கொலை செய்தவர்கள் யார்? கொலைக்கான காரணம் என்ன? கொடுக்கல், வாங்கல் தகராறா? வேறு ஏதேனும் காரணமா? என பல்வேறு கோணங்களில் போலீசார் விசாரணை நடத்தி வருகின்றனர்.