வாழை மரங்கள் சாய்ந்து விழுந்தன

சீர்காழி:

சீர்காழி அருகே பலத்த காற்றுடன் பெய்த மழையால் வாழை மரங்கள் சாய்ந்து விழுந்தன. பாதிக்கப்பட்ட வாழை மரங்களுக்கு நிவாரணம் வழங்க வேண்டும் என விவசாயிகள் கோரிக்கை விடுத்துள்ளனர் .

சாய்ந்து விழுந்த வாழை மரங்கள்

மயிலாடுதுறை மாவட்டம் சீர்காழி அருகே செம்மங்குடி, வைத்தீஸ்வரன் கோவில், மருவத்தூர், கொள்ளிடம், சந்தப்படுகை, நாதல்படுகை, பில்படுகை, நாணல்படுகை உள்ளிட்ட பல்வேறு இடங்களில் விவசாயிகள் வாழை சாகுபடி செய்துள்ளனர்.

இந்த நிலையில் மயிலாடுதுறை மாவட்டத்தில் கடந்த ஒரு வாரமாக திடீரென பலத்த காற்றுடன் மழை பெய்து வருகிறது. இதனால் ேமற்கண்ட பகுதியில் சாகுபடி செய்யப்பட்டுள்ள வாழை மரங்கள் சாய்ந்து விழுந்துள்ளன.

விவசாயிகள் கவலை

வாழை மரங்கள் சாய்ந்து விழுந்ததால் விவசாயிகள் கவலை அடைந்துள்ளனர். பாதிகக்ப்பட்ட வாழை மரங்களுக்கு தமிழக அரசு உரிய நிவாரணம் வழங்க வேண்டும் என விவசாயிகள் கோரிக்கை விடுத்துள்ளனர்.