மின் இணைப்பு எண்ணை ஆதாருடன் இணைக்கும் முகாம் 31-ந்தேதி வரை நடைபெறும்-மேற்பார்வை பொறியாளர் பாலசுப்பிரமணி தகவல்

சேலம் மின்பகிர்மான வட்ட மேற்பார்வை பொறியாளர் பாலசுப்பிரமணி வெளியிட்டுள்ள செய்திக்குறிப்பில் கூறியிருப்பதாவது:-

வீடு, கைத்தறி, விசைத்தறி, குடிசை, விவசாய மின் இணைப்புதாரர்கள் தங்களது மின் இணைப்பு எண்ணை ஆதாருடன் இணைக்கும் முகாம் மின் வாரிய அலுவலகங்களில் கடந்த 28-ந்தேதி முதல் நடைபெற்று வருகிறது. இந்த சிறப்பு முகாம் வருகிற 31-ந்தேதி வரை நடைபெறும். ஞாயிற்றுக்கிழமை உள்பட அனைத்து நாட்களிலும் தினமும் காலை 10.30 மணியில் இருந்து மாலை 5.15 மணி வரை முகாம் நடைபெறும். இந்த சிறப்பு முகாமை மின்நுகர்வோர் பயன்படுத்தி கொள்ள வேண்டும். இவ்வாறு அதில் அவர் கூறியுள்ளார்.