மரத்தில் இருந்து தவறி விழுந்த டிரைவர் சாவு

குளச்சல்:

குளச்சல் நெசவாளர் தெருவை சேர்ந்தவர் தம்பிராஜ் (வயது 61), கார் டிரைவர். கடந்த சில ஆண்டுகளாக கார் ஓட்டுவதை நிறுத்தி விட்டு வீட்டில் இருந்து வந்தார். புதுத்தெருவில் வாடகை வீட்டில் வசித்து வந்த இவருக்கு, லியோன்நகரில் சொந்தமாக தென்னை தோப்பு ஒன்று உள்ளது. தம்பிராஜ் அடிக்கடி தென்னந்தோப்புக்கு சென்று இளநீர் பறிப்பது வழக்கம். சம்பவத்தன்றும் தென்னந்தோப்புக்கு சென்று இளநீர் பறிக்க மரத்தில் ஏறினார். அப்போது, எதிர்பாராத விதமாக தம்பிராஜ் மரத்தில் இருந்து தவறி கீழே விழுந்தார். இதில் படுகாயமடைந்த அவரை அக்கம் பக்கத்தினர் மீட்டு சிகிச்சைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். அங்கு தீவிர சிகிச்சை அளித்தும் பலனின்றி தம்பிராஜ் நேற்று காலை பரிதாபமாக இறந்தார். இதுகுறித்து தம்பிராஜின் மகள் மோனிஷா குளச்சல் போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.