லாரி சக்கரத்தில் சிக்கி விவசாயி பலி

அணைக்கட்டு அருகே உள்ள ஏரிக்கொல்லை கிராமத்தை சேர்ந்தவர் பிரபு (வயது 35), விவசாயி. இவருக்கு இன்னும் திருமணம் ஆகவில்லை. நேற்று முன்தினம் இரவு 11.30 மணி அளவில் ஏரிக்கொல்லை கிராமத்திலிருந்து அணைக்கட்டு நோக்கி நண்பர்களுடன் வெவ்வேறு மோட்டார்சைக்கிள்களில் சென்றனர். ஒருவரை ஒருவர் முந்தி செல்ல முற்பட்டுள்ளனர். அப்போது நிலை தடுமாறி முன்னால் சென்று கொண்டிருந்த, ஆவின் டேங்கர் லாரிக்கு அடியில் பிரபு விழுந்து சக்கரத்தில் சிக்கி சம்பவ இடத்திலேயே பலியானார்.

இது சம்பந்தமாக அணைக்கட்டு போலீசாருக்கு தகவல் தெரிவித்தனர். போலீசார் சென்று உடலை கைப்பற்றி பிரேத பரிசோதனைக்காக அடுக்கம்பாறை அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் வழக்குப் பதிவு செய்து விசாரணை நடத்தி வருகின்றனர்.