விபத்தில் காயம் அடைந்த வாலிபர் சாவு

மேலப்பாளையம் பசீரப்பா தெருவை சேர்ந்தவர் சித்திக் மகன் காஜா மசூத் (வயது 28). தனியார் நிறுவன ஊழியர். இவர் கடந்த 13-ந் தேதி அம்பை ரோட்டில் மோட்டார் சைக்கிளில் சென்றார். அப்போது எதிரே வந்த மற்றொரு மோட்டார் சைக்கிள் மோதி படுகாயம் அடைந்தார். உடனடியாக அவரை பாளையங்கோட்டை ஐகிரவுண்டு அரசு ஆஸ்பத்திரியில் சேர்த்தனர். அங்கு சிகிச்சை பலனின்றி நேற்று காஜா மசூத் உயிர் இழந்தார். இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.