திருட்டு வழக்குகளில் தொடர்புடையவர் குண்டர் சட்டத்தில் கைது

நாகர்கோவில்,

திருட்டு வழக்குகளில் தொடர்புடையவர் குண்டர் சட்டத்தில் கைது செய்யப்பட்டார்.

கைது

கேரள மாநிலம் வயநாடு சறுவிளைபுத்தன்வீடு பகுதியை சேர்ந்தவர் ஜோய் (வயது 52). இவர் மீது நாகர்கோவில் நேசமணி நகர் மற்றும் வடசேரி ஆகிய போலீஸ் நிலையங்களில் பல்வேறு திருட்டு வழக்குகள் உள்ளன. அவரை போலீசார் கைது செய்து நாகர்கோவில் சிறையில் அடைத்திருந்தனர்.

ஜோய்யை குண்டர் சட்டத்தில் கைது செய்ய மாவட்ட போலீஸ் சூப்பிரண்டு ஹரிகிரண் பிரசாத், கலெக்டர் அரவிந்துக்கு பரிந்துரை செய்தார். அதனை ஏற்று ஜோய்யை குண்டர் சட்டத்தில் கைது செய்ய கலெக்டர் உத்தரவிட்டார். தொடர்ந்து அவரை நேசமணிநகர் போலீசார் குண்டர் சட்டத்தில் கைது செய்து நேற்று பாளையங்கோட்டை சிறையில் அடைத்தனர்.