மனைவியை தாக்கியவர் மர்ம சாவு

ஸ்ரீவில்லிபுத்தூர்,

ஸ்ரீவில்லிபுத்தூர் தேரடி தெருவை சேர்ந்தவர் செல்வராஜ் (வயது 65). இவரது மனைவிக்கும், இவருக்கும் இடையே வாக்குவாதம் ஏற்பட்டதாகவும், அப்போது அவர் தனது மனைவியை பாத்திரத்தால் தலையில் அடித்ததாகவும் கூறப்படுகிறது. இதில் காயமடைந்த அவரது மனைவி சிகிச்சைக்காக ஆஸ்பத்திரிக்கு சென்றார்.

இந்தநிலையில் திடீரென செல்வராஜை காணவில்லை. இதற்கிடையே அப்பகுதியில் மயங்கிய நிலையில் கிடந்த செல்வராஜை அருகில் உள்ளவர்கள் மீட்டு சிகிச்சைக்காக ஸ்ரீவில்லிபுத்தூர் அரசு மருத்துவமனைக்கு கொண்டு சென்றனர். அங்கு அவரை பரிசோதனை செய்த டாக்டர்கள், அவர் ஏற்கனவே இறந்து விட்டதாக தெரிவித்தனர்.

இதுகுறித்து ஸ்ரீவில்லிபுத்தூர் நகர் போலீசார் வழக்குப்பதிவு செய்து அவர் எப்படி இறந்தார்? என விசாரணை நடத்தி வருகின்றனர்.