விவசாயியை தாக்கியவர் கைது

அம்பை:

அம்பை அருகே உள்ள கவுதமபுரி வடக்கு தெருவை சேர்ந்தவர் குமார் (வயது 46), விவசாயி. அதே பகுதியைச் சேர்ந்தவர் மாடசாமி (60). இவர்கள் இருவரும் உறவினர்கள். இவர்களுக்கு இடையே குடும்ப பிரச்சினை காரணமாக தகராறு ஏற்பட்டு முன்விரோதம் இருந்து வந்தது. இந்த நிலையில் குமார் மாடசாமியின் வீட்டிற்கு சென்று பேசியபோது, அவர்களுக்கு இடையே தகராறு ஏற்பட்டது. இதில் ஆத்திரமடைந்த மாடசாமி, குமாரை அவதூறாக பேசி கம்பியால் தாக்கியதாக கூறப்படுகிறது. இதுகுறித்து குமார் கொடுத்த புகாரின் பேரில் அம்பை போலீசார் வழக்குப்பதிவு செய்து, மாடசாமியை கைது செய்தனர்.