முதியவரை தாக்கியவர் கைது

தூத்துக்குடி புதுகிராமத்தை சேர்ந்தவர் சுந்தரம் (வயது 71). இவருக்கும், இவரது உறவினரான தூத்துக்குடி லெவிஞ்சிபுரத்தை சேர்ந்த ஆதிநாராயணன் மகன் ஹரி ராமகிருஷ்ணன் (39) என்பவருக்கும் இடையே நிலப்பிரச்சினையால் முன் விரோதம் இருந்து வந்தது. நேற்று முன்தினம் சுந்தரம் லெவிஞ்சிபுரம் பகுதியில் உள்ள அவரது இடத்தில் நின்று கொண்டிருந்தாராம். அப்போது அங்கு வந்த ஹரிராமகிருஷ்ணன், சுந்தரத்திடம் தகராறு செய்து அவரை கையால் தாக்கி கொலை மிரட்டல் விடுத்துள்ளார். இதுகுறித்து சுந்தரம் அளித்த புகாரின் பேரில் தூத்துக்குடி தென்பாகம் போலீஸ் சப்-இன்ஸ்பெக்டர் கங்கைநாத பாண்டியன் வழக்கு பதிவு செய்து ஹரிராமகிருஷ்ணனை கைது செய்தார்.