முதியவரை தாக்கியவர் கைது

இட்டமொழி:

பரப்பாடி இலங்குளம் மெயின்ரோடு பகுதியைச் சேர்ந்தவர் செல்லத்துரை (வயது 83). இவரது பக்கத்து வீட்டைச் சேர்ந்தவர் சிலுவைதாசன் மகன் ஜேசு அந்தோணி (45). கூலி தொழிலாளி. நேற்று முன்தினம் ஜேசு அந்தோணி, செல்லத்துரை வீட்டின் பின்பகுதியில் வந்து சிறுநீர் கழிக்க சென்றுள்ளார். அதைப் பார்த்த செல்லத்துரை சத்தம் போட்டுள்ளார். இதில் ஆத்திரமடைந்த ஜேசு அந்தோணி, செல்லத்துரையை அவதூறாக பேசி கையில் இருந்த சில்வர் பாத்திரத்தால் தலையில் தாக்கியதாக கூறப்படுகிறது. இதில் காயமடைந்த செல்லத்துரை சிகிச்சைக்காக நாங்குநேரி அரசு மருத்துவமனையில் அனுமதிக்கப்பட்டார். அவர் அளித்த புகாரின் பேரில் வடக்கு விஜயநாராயணம் போலீஸ் சப்-இன்ஸ்பெக்டர் சங்கர் வழக்குப்பதிவு செய்து விசாரணை நடத்தி ஜேசு அந்தோணியை கைது செய்தார்.