வீடு புகுந்து செல்போன் திருடியவர் கைது

தேவதானப்பட்டி அருகே உள்ள வேல் நகரை சேர்ந்தவர் தங்கம் (வயது 40). நேற்று பகல் இவர், வீட்டில் கதவை திறந்து வைத்து தூங்கி கொண்டிருந்தார். அப்போது பக்கத்து அறையில் ஏதோ சத்தம் கேட்டது. இதையடுத்து எழுந்து சென்று பார்த்தபோது மர்ம நபர் ஒருவர் அங்கிருந்த செல்போனை திருடி கொண்டு ஓடினார். இதுகுறித்து ஜெயமங்கலம் போலீசில் புகார் செய்யப்பட்டது. அதன்பேரில் போலீசார் வழக்குப்பதிவு செய்து மர்ம நபரை தேடி வந்தனர். அதில், பெரியகுளம் பட்டாளம்மன் கோவில் தெருவைச் சேர்ந்த பால்பாண்டி (37) என்பவர் வீடு புகுந்து செல்போனை திருடியது தெரியவந்தது. இதையடுத்து போலீசார் அவரை கைது செய்தனர்.